616)స్వంగః -
మంచి అంగములున్నట్టివాడు
స్వకీయమైన రూపమున్నవాడు
ఆజానుబాహుడై యున్నవాడు
దేవతా శరీరమున్నవాడు
శ్రీవిష్ణు సహస్రనామాలు ఉమా!
617)శతానందః -
అసంఖ్యాక ఉపాధులున్నవాడు
వాటితోడి ఆనందించువాడు
పూర్ణ సంతోషమొసగునట్టివాడు
పలుమోదములకు కారకుడు
శ్రీ విష్ణు సహస్రనామాలు ఉమా!
618)నందిః -
పరమానంద స్వరూపుడైన వాడు
శివునికి ప్రియమైయున్నవాడు
సాధుస్వభావము గలిగినవాడు
బసవరూపము ధరించినవాడు
శ్రీ విష్ణు సహస్రనామాలు ఉమా!
619)జ్యోతిర్గణేశ్వరః -
జ్యోతిర్గణముల ప్రభువైనవాడు
దైవ సేనాగణాధిపతైనవాడు
సమూహముకు ముఖ్యమైనవాడు
ప్రథముడై వెలుగొందుచున్నవాడు
శ్రీ విష్ణు సహస్రనామాలు ఉమా!
620)విజితాత్మ-
మనస్సును జయించినవాడు
చపలత్వమునోడించినట్టి వాడు
మనో స్వాధీనత కలిగించువాడు
విజితాత్ముడై విలసిల్లువాడు
శ్రీవిష్ణు సహస్రనామాలు ఉమా!
addComments
కామెంట్ను పోస్ట్ చేయండి