శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

611)శ్రీకరః -

శుభములు ప్రసాదించుచున్నవాడు 

శ్రీకరమగు తత్వముగలవాడు 

ఆత్మను నింపగలిగినవాడు 

భక్తులను అనుగ్రహించువాడు 

శ్రీవిష్ణు సహస్రనామాలు ఉమా!

612)శ్రీయః -

మోక్షస్వరూపమైయున్న వాడు 

శ్రేయోభిలాషిగానున్నట్టివాడు 

శ్రీకరమైన రూపమున్నవాడు 

సర్వవిధముల రక్షణజేయువాడు 

శ్రీ విష్ణు సహస్రనామాలు ఉమా!

613)శ్రీమాన్ -

సర్వవిధముల శ్రీమంతుడైనవాడు 

సంపదలు నిండియున్నవాడు 

మనోజ్ఞమై యలరించువాడు 

ఒప్పిదము గలిగినట్టివాడు 

శ్రీ విష్ణు సహస్రనామాలు ఉమా!

614)లోకత్రయంశయః -

ముల్లోకాలకు ఆశ్రయమైనవాడు 

భువనములు తనలోనున్నవాడు 

త్రిలోకములను భరించువాడు 

లోకత్రయం శ్రయుడైనవాడు 

శ్రీ విష్ణు సహస్రనామాలు ఉమా!

615)స్వక్షః -

చక్కని నేత్రములున్నవాడు 

కమలలోచనుడు పేరున్నవాడు 

విశాలనయనములున్నవాడు 

భక్తులను సదా చూచుచున్నవాడు 

శ్రీవిష్ణు సహస్రనామాలు ఉమా!

(సశేషం )