పిల్లలను స్వేచ్ఛగా ఎదగనివ్వండి;- అంకాల సోమయ్యదేవరుప్పుల జనగాం 9640748497

పిల్లలను స్వేచ్ఛగా

ఎదగనివ్వండీ

ముందరి కాళ్ళకు బంధాలేసి

లోకం తెలియని అజ్ఞానులను

చేయకుండి

వేలకు వేలు వారి విద్యాబుద్ధులకై ఖర్చుచేసే

తల్లిదండ్రులు మీ మూలాల్ని

మీ రెక్కాడితే కానీ డొక్కాడని

మీ బ్రతుకు చిత్రాన్ని ఏకరువుపెట్టండి

పిల్లలకు అప్పులు తెచ్చి

విద్య ఆర్థిక వనరు అని

నమ్మబలికిన 

కార్పోరేట్ మాయాజాలం

పసిగట్టి ముందు కెళ్ళడం

నేర్చుకొమ్మని

సమకాలీన ఆర్థిక సామాజిక అంశాలను ఎప్పడికప్పుడు

తెలుసుకొమ్మని

మీ పిల్లలకు భుజం తట్టిచెప్పండి

మానవుడి అత్యాశకు ప్రకృతి

వికృత రూపం దాల్చితే

సాంకేతికాభివృద్ధి కొరగానిదైపోతే

ఉద్యోగం రాకున్నా ఆత్మగౌరవం తో బ్రతకడానికి

సంప్రదాయ వృత్తులైనా

నేర్చుకొని బ్రతకేలా!?

వారికి తర్ఫీదు ఇవ్వండి

పిల్లలతో ముఖాముఖి సంభాషించండి

వారి వారి భయాలు , నిరాశలు

పారద్రోలి

స్వీయ ఆత్మగౌరవంతో బ్రతకేలా

ప్రేరణ కల్గించండి

సంపదున్నప్పుడు అహంభావాన్ని

లేనప్పుడు బేలతనాన్ని ప్రదర్శించకుండా

ఆశావాదాన్ని 

ఆత్మవిశ్వాసాన్ని పాదుకొల్పండి