అనుమానం... పెనుభూతం;- -గద్వాల సోమన్న,9966414580

అహర్నిశలు  అనుమానము

జీవితాన పెనుభూతము

అపార్థాలతో  అగును

అనర్థాలకు కారణము

బంధాలను చెడగొట్టును

శీలాన్ని చెరపట్టును

పచ్చని కాపురాల్లో

సంశయము చిచ్చుపెట్టును

అనుమానము ముదిరితే

ప్రాణాలను తీస్తుంది

మానసిక రుగ్మతలను

కలుగజేసి హరిస్తుంది

విషం వంటి అనుమానము

మనసులను,పరిసరాలను

విషపూరితము చేయును

ప్రేతల స్థలంగా మార్చును

స్నేహితులను విడదీయును

ద్రోహానికి ఒడిగట్టును

ఆదిలోనే త్రుంచాలి

లేకున్న పాతిపెట్టును

అగ్ని కీలలు శంకలు

దహించి వేయు బ్రతుకులు

దూరముంటే క్షేమము

భవితను చేయును హేమము

మనసులోన సంశయాలు

పాడుచేయు జీవితాలు

జరిగిస్తాయి ఘోరాలు

చేయిస్తాయి నేరాలు

అదొక మానసిక వ్యాధి

సరైన చికిత్స ఏది?

అనుమానం రాకుండా

ఉంటేనే బహు మంచిది