శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

696)వసుః -

సర్వులకూ శరణ్యమైనవాడు 

గణదేవతల్లో నిలిచినవాడు 

కిరణసహితునిగా యున్నవాడు 

మధురమైనట్టి మనసున్న వాడు 

శ్రీవిష్ణు సహస్రనామాలు ఉమా!

697)వసుమనాః -

సర్వత్రా వ్యాపించియున్నవాడు 

సమమనస్సు వున్నట్టివాడు 

బంగారం వంటి హృదయమున్నవాడు 

ధన, రత్నములు గలిగినవాడు 

శ్రీవిష్ణు సహస్రనామాలు ఉమా!

698)హవిః -

హవిస్సులందుకొనుచున్నవాడు 

దేవతార్పణము చేయుచున్నవాడు 

అగ్నిలో నెయ్యిసమర్పించువాడు 

పవిత్రము అయివున్నవాడు 

శ్రీ విష్ణు సహస్రనామాలు ఉమా!

699)సద్గతిః -

సజ్జనుల పరమగతైనవాడు 

భక్తులను గమ్యం చేర్చునట్టివాడు 

పరమపదము నొసగువాడు 

సద్గతిని ప్రసాదించగలవాడు 

శ్రీ విష్ణు సహస్రనామాలు ఉమా!

700) సత్కృతిః -

జగత్కళ్యాణకారణమైనవాడు 

ఉత్తమ కార్యములు చేయువాడు 

సత్కర్మలను ఆచరించువాడు 

సద్గురువుగా తగియున్నవాడు 

శ్రీవిష్ణు సహస్రనామాలు ఉమా!

(సశేషం )