శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

766)చతుర్బాహుః -

నాల్గుచేతులు కలిగినవాడు 

చతుర్భుజమూర్తి యైనట్టివాడు 

శంఖచక్రములు ధరించినవాడు 

సంపూర్ణమూర్తిత్వం గలవాడు 

శ్రీ విష్ణు సహస్రనామాలు ఉమా!

767)చతుర్వ్యూహః -

నాల్గువ్యూహములు తెలియువాడు 

వేదజ్ఞానం తెలుపగలవాడు 

శరీరవ్యూహం నడుపువాడు 

మహా ఛందోరూపున్నవాడు 

శ్రీవిష్ణు సహస్రనామాలు ఉమా!

768)చతుర్గతిః -

నాల్గు విధాల ఆశ్రయమిచ్చువాడు 

అందరికి గతియైనట్టివాడు 

ధర్మార్థముల నొసగుచున్నవాడు 

కామమోక్షములగతియైనవాడు 

శ్రీవిష్ణు సహస్రనామాలు ఉమా!

769)చతురాత్మా -

సమర్థుడై యున్నట్టివాడు 

చాతుర్యము గలిగినవాడు 

ఆత్మయందు జ్ఞానమున్నవాడు 

కార్యక్రమము నడిపించువాడు 

శ్రీ విష్ణు సహస్రనామాలు ఉమా!

770)చతుర్భావః -

పురుషార్థములకు కారకుడు 

చతుర్భావకుడైనట్టి వాడు 

కర్మలకు మూలమై యున్నవాడు 

కర్తవ్యం బోధించుచున్నవాడు 

శ్రీవిష్ణు సహస్రనామాలు ఉమా!

(సశేషం )