781)దురారిహాః -
దుష్టమానవుల హరించువాడు
దురాత్ములను అణుచువాడు
శత్రువులను ఖండించగలవాడు
దుష్ట సంహారము జేయువాడు
శ్రీ విష్ణు సహస్రనామాలు ఉమా!
782)శుభాంగః -
దివ్యములైన అంగములున్నవాడు
సుందరమైన ఆకృతిగల వాడు
మంచి శరీరమున్నట్టి వాడు
స్ఫురద్రూపంలో యుండినవాడు
శ్రీవిష్ణు సహస్రనామాలు ఉమా!
783)లోక సారంగః -
లోకములోని సారమైనవాడు
సారాంశం గ్రహించినవాడు
అవలోకనము చేయగలవాడు
చర్యలను చేపట్టినట్టి వాడు
శ్రీవిష్ణు సహస్రనామాలు ఉమా!
784)సుతంతుః -
జగద్రూపంలో నున్నట్టివాడు
తంతువువలే విస్తరణగువాడు
అందమైన రూపుగలిగినవాడు
సుతంతువగుచు భాసిల్లువాడు
శ్రీ విష్ణు సహస్రనామాలు ఉమా!
785)తంతు వర్థనః -
జగత్తును వృద్ధిపరచువాడు
విశ్వనాశనము చేయగలవాడు
ఘటనలకు సమర్థుడైనవాడు
ఇచ్ఛాపూర్వకముగా నుండువాడు
శ్రీవిష్ణు సహస్రనామాలు ఉమా!
addComments
కామెంట్ను పోస్ట్ చేయండి