మన చెల్లె మన బంధం *;- ప్రభాకర్ రావు గుండవరం(మిత్రాజీ )ఫోన్ నం.9949267638

చెల్లె మన తొడబుట్టు 

చెల్లె మన రక్త బంధం 

తల్లిలా లాలించు 

తండ్రిలా అనునయించు 

అనుబంధం ఆత్మీయత

కలబోసిన కరుణామయి 

అధికారం చెలాయించు 

కోరినది తెమ్మని పట్టుబట్టు 

మనకు బాధయితే తనే ఏడ్చు 

మన దుఖాన్ని ఓదార్చు 

భయపెడితే భీతితో 

వెక్కి వెక్కి ఏడ్చుచుండు 

కోప్పడితే అమ్మ కొంగు 

చాటున దాగుండి నవ్వు 

మర్యాదలో తీసికట్టు 

అన్ని పనుల్లో తానే ఫస్ట్ 

అందరితో ఆత్మీయతను 

అందుకునే ఆణిముత్యం 

మన అనురాగం చెల్లె 

మన ఆప్యాయత చెల్లె 

మన గుండె మన చెల్లె 

వేదం జ్ఞానం మన చెల్లె