శ్రీ విష్ణు సహస్రనామాలు(బాల పంచపది )-ఎం. వి. ఉమాదేవి

821)శత్రుతాపనః -

విరోధులను తపింపజేయువాడు 

శత్రువులను దండించుచున్నవాడు 

సజ్జనులకు సాయమున్నవాడు 

దేవతా విరోధులనణుచువాడు 

శ్రీ విష్ణు సహస్రనామాలు ఉమా!

822)న్యగ్రోధః -

సర్వభూతముల శాసనకుడు 

మాయతో ఆవరింపజేయువాడు 

మర్రి చెట్టువలే విస్తరించువాడు 

న్యగ్రోధ నామమున్నట్టి వాడు 

శ్రీవిష్ణు సహస్రనామాలు ఉమా!

823)ఉదుంబరః -

అన్నముతో పోషించుచున్నవాడు 

విశ్వప్రాణులకాహారమిచ్చువాడు 

జీవశక్తికి సాయపడుచున్నవాడు 

ఉదుంబర నామమున్నవాడు 

శ్రీవిష్ణు సహస్రనామాలు ఉమా!

824)అశ్వత్థః -

అశాశ్వతమైన రూపమున్నవాడు 

సంసారవృక్షము వంటివాడు 

కుటుంబశాఖల విస్తరించువాడు 

అశ్వత్థ నారాయణు డనువాడు 

శ్రీ విష్ణు సహస్రనామాలు ఉమా!

825)చాణురాంధ్రనిషూధనః -

చానూరుని చంపినట్టివాడు 

మల్లయోధులనోడించినవాడు 

మధురలో గెలిచినట్టివాడు 

కంసమాయ తొలిగించినవాడు 

శ్రీవిష్ణు సహస్రనామాలు ఉమా!

(సశేషం )