936)చతురస్రః -
జీవులకు కర్మఫలమిచ్చువాడు
న్యాయముగా పంచుచున్నట్టివాడు
కర్మలవిభజనము చేయువాడు
చతురస్ర నామధేయమున్నవాడు
శ్రీవిష్ణు సహస్రనామాలు ఉమా!
937)గభీరాత్మా -
గ్రహింప శక్యముగానట్టివాడు
స్వరూపమెరుగలేకున్నవాడు
గంభీర స్వభావమున్నట్టి వాడు
ఆత్మజ్ఞానం తెలుపగలవాడు
శ్రీ విష్ణుసహస్ర నామాలు ఉమా!
938)విదిశః -
అధికారులకు ఫలమిచ్చువాడు
ప్రత్యేకతను కలిగించెడివాడు
శ్రమించిన ఫలితము చూపువాడు
కర్మఆచరణ శక్తినిచ్చువాడు
శ్రీ విష్ణు సహస్ర నామాలు ఉమా!
939)వ్యాధిశః -
అర్హతలు బట్టి నియమించువాడు
కర్మలను ఆజ్ఞాపించుచున్నవాడు
ప్రాణి చేతనము కలిగించువాడు
కర్తవ్యము సూచించుచున్నవాడు
శ్రీవిష్ణు సహస్రనామాలు ఉమా!
940)దిశః -
వేదము ద్వారా జ్ఞానమిచ్చువాడు
కర్మఫలితం ప్రసాదించువాడు
ముఖ్య మార్గదర్శనమయినవాడు
దిశా నిర్దేశనమును చేయువాడు
శ్రీ విష్ణు సహస్ర నామాలు ఉమా!
addComments
కామెంట్ను పోస్ట్ చేయండి