శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

876)విహాయనగతిః -

ఆకాశము తానయిఉన్నవాడు 

ఆశ్రయమును ఇచ్చుచున్నవాడు 

విష్ణు పథము తానయినవాడు 

విహాయనగతి నిచ్చుచున్నవాడు 

శ్రీవిష్ణు సహస్రనామాలు ఉమా!

877)జ్యోతిః -

స్వయంప్రకాశము గలిగినవాడు 

లోకముల వెలిగించుచున్నవాడు 

తననుండి వెలుగందించువాడు 

తేజస్సును ప్రసాదించువాడు 

శ్రీ విష్ణు సహస్రనామాలు ఉమా!

878)సురుచిః -

అందమైన రూపముగలవాడు 

సురుచిర సుందరుడైనవాడు 

చిన్మయమైన ఆకృతిగలవాడు 

చక్కని దేహసౌష్టవమున్నవాడు 

శ్రీ విష్ణుసహస్ర నామాలు ఉమా!

879)హుతభుక్ -

హవిస్సులు స్వీకరించుచున్నవాడు 

యజ్ఞమునందు పాల్గొనువాడు 

ఆవాహనము చేయబడుచున్నవాడు 

హుతభృక్ నామము గలవాడు 

శ్రీ విష్ణు సహస్ర నామాలు ఉమా!

880)విభః -

సర్వలోకములకునూ విభుడు 

ప్రభువుగా నుండినట్టివాడు 

పాలకుడు తానయివున్నవాడు 

పరిపాలనము చేయుచున్నవాడు 

శ్రీవిష్ణు సహస్రనామాలు ఉమా!

(సశేషం )