శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

901)స్వస్తిదః -

===========

శ్రేయోభిలాషయైనట్టి వాడు 

శుభకార్యక్రమములు చేయువాడు 

క్షేమములు దయచేయుచున్నవాడు 

స్వస్థతను చేకూర్చుచున్నవాడు 

శ్రీవిష్ణు సహస్రనామాలు ఉమా!

902)స్వస్తి కృత్ -

శుభములు కూర్చుచున్నట్టి వాడు 

మంచిజీవితము నొసగువాడు 

స్వస్తివచనముతో దీవించువాడు 

శుభకృత్యములు చేయుచున్నవాడు 

శ్రీ విష్ణు సహస్రనామాలు ఉమా!

903)స్వస్తిః -

సర్వమంగళ స్వరూపుడైనవాడు 

శుభకరముల నొసగువాడు 

నెమ్మదిగా నుంచుచున్నట్టి వాడు 

మంగళములు ప్రసాదించువాడు 

శ్రీ విష్ణుసహస్ర నామాలు ఉమా!

904)స్వస్తి భుక్ -

శుభముల అనుభవకారకుడు 

క్షేమలాభముల నొసగువాడు 

జయానుభవము నొసగువాడు 

స్వస్తి భుక్ అను నామధేయుడు 

శ్రీ విష్ణు సహస్ర నామాలు ఉమా!

905)స్వస్తి దక్షిణః -

స్మరణముతోడ శుభమిచ్చువాడు 

తలచినంతనే అభయకరుడు 

శుభములు దక్షిణగా నిచ్చువాడు 

మంచిని ప్రసాదించుచున్నవాడు 

శ్రీవిష్ణు సహస్రనామాలు ఉమా!

(సశేషం )