శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

796)వాజసనః -

అర్థించువారిని బ్రోచుచున్నవాడు 

ఆహారమిచ్చి ఆదుకొనువాడు 

పోషణము చేయుచున్నవాడు 

వాజసన పేరున్నట్టి వాడు 

శ్రీ విష్ణు సహస్రనామాలు ఉమా!

797)శృంగీ -

శృంగము గలిగినట్టి వాడు 

శిఖను పొందియున్నవాడు 

కిరీటధారణము చేయువాడు 

ఘన శృంగమున్నట్టి వాడు 

శ్రీవిష్ణు సహస్రనామాలు ఉమా!

798)జయంతః -

సర్వవిజయాలకు కారకుడు 

జయములు కలిగించువాడు 

శుభములకారకుడైయున్నవాడు 

జయంత నామమున్నట్టివాడు 

శ్రీవిష్ణు సహస్రనామాలు ఉమా!

799)సర్వ విజ్ఞయీ -

సర్వమూ తెలిసినట్టి వాడు 

జ్ఞానవంతుడు అయినవాడు 

మేధోవంతుడు అయినవాడు 

కర్మాచరణము తెలిసినవాడు 

శ్రీ విష్ణు సహస్రనామాలు ఉమా!

800)సువర్ణ బిందుః -

బంగారం వంటి మేనున్నవాడు 

పసిడి అవయవములున్నవాడు 

సువర్ణపు పూత గలిగినవాడు 

కరిగిన పసిడి మెరుపున్నవాడు 

శ్రీవిష్ణు సహస్రనామాలు ఉమా!

(సశేషం )