శ్రీ విష్ణు సహస్రనామాలు (బాల పంచపది)-ఎం. వి. ఉమాదేవి

891)అగ్రజః -

==========

సృష్టికీ ముందే అవతరణకుడు 

అనాదినుండీ యున్నట్టివాడు 

అగ్రజుడుగానే వెలసినవాడు 

సృష్టి ప్రారంభము చేసినవాడు 

శ్రీవిష్ణు సహస్రనామాలు ఉమా!

892)అనిర్వణ్ణః -

నిరాశను ఎరుగనట్టివాడు 

నిర్విణ్ణత లేకయుండువాడు 

దేనికినీ చలించని స్వభావుడు 

అనిర్వణ్ణా నామమున్న వాడు 

శ్రీ విష్ణు సహస్రనామాలు ఉమా!

893)సదామర్షీ -

సజ్జనులను క్షమించగలవాడు 

భక్తులదోషాలను హరించెడివాడు 

సదా ఓర్పుతో యున్నట్టివాడు 

పాపములు మర్షణము చేయువాడు 

శ్రీ విష్ణుసహస్ర నామాలు ఉమా!

894)లోకాధిష్టానం -

ప్రపంచంలో ఆధిపత్యమున్నవాడు 

విశ్వ అధిష్టానదేవతైనవాడు 

ఆజ్ఞలను ఇచ్చుచున్నట్టి వాడు 

లోక పరిపాలనచేయువాడు 

శ్రీ విష్ణు సహస్ర నామాలు ఉమా!

895)అద్భుతః -

ఆశ్చర్య స్వరూపుడైనవాడు 

నమ్మలేని ఘనతయున్నవాడు 

మునుపులేనట్టి విధమైనవాడు 

అద్భుతకర స్వామియైనవాడు 

శ్రీవిష్ణు సహస్రనామాలు ఉమా!

(సశేషం )