896)సనాత్ -
=========
ఆదియనునది లేకుండినవాడు
త్రిమూర్తులతో సమమైనవాడు
శాశ్వతత్వము కలిగినవాడు
సనాతనుడై విలసిల్లువాడు
శ్రీవిష్ణు సహస్రనామాలు ఉమా!
897)సనాతన సమః -
సృష్టికి పూర్వమున్నట్టి వాడు
బ్రహ్మ సమానుడు అయినట్టివాడు
విశ్వకర్తగా చరించుచున్నవాడు
సనాతన సముడయియున్నవాడు
శ్రీ విష్ణు సహస్రనామాలు ఉమా!
898)కపిలః -
ఋషులలో ఉన్నతమైనవాడు
గోరోజనపు వర్ణమున్నవాడు
అగ్ని స్వరూపము అయినవాడు
కపిలమహామునియైన వాడు
శ్రీ విష్ణుసహస్ర నామాలు ఉమా!
899)కపిః -
సూర్య తేజము గలిగినవాడు
నారాయణరూపంలోని వాడు
వానరముఖ్యుడైనట్టి వాడు
కపి నామము గలిగినవాడు
శ్రీ విష్ణు సహస్ర నామాలు ఉమా!
900)అవ్యయః -
ప్రళయమందు లయించుచున్నవాడు
విశ్రామ స్థానము నిచ్చెడివాడు
సర్వమూ లీనము చేసుకొనువాడు
అవ్యయ నామధేయుడైనవాడు
శ్రీవిష్ణు సహస్రనామాలు ఉమా!
addComments
కామెంట్ను పోస్ట్ చేయండి