తేటగీతి పద్యములు.
101.
భక్త సులభుడ నీచెంత భయము లేక
వచ్చి నిల్చితి దీర్పవే వాంఛితమ్ము
కాంక్ష మీరగ నీరూపు కనగ వేడు
నన్ను పాలింపు మాల్యాద్రి నారసింహ!//
102.
బంధు వర్గము పెట్టెడు బాధలందు
మునిగి పోయితి మనమున ముసురు పట్టి
బెదిరి వగచితి దిగులున బేలనైతి
నన్ను పాలింపు మాల్యాద్రి నారసింహ!//
103.
బంధు మిత్రులు లేరయ్య భయము తోడ
నొంటరిగ నుంటి జేకొని యుద్ధరింప
నాత్మ బంధువ వైతివి యాది దేవ!
నన్ను పాలింపు మాల్యాద్రి నారసింహ!//
104.
భ్రాంతి నొందితి సంసార పాథి యందు
ముందు దారిని గానక మునిగి బోతి
నుద్ధరింపవే నన్నొక యోడ వోలె
నన్ను పాలింపు మాల్యాద్రి నారసింహ!//
105.
నీదు రూపంబు కన్నుల నిలుపు కొంటి
పలుకు చుంటిని నామంబు పట్టు బట్టి
దయను జూపగ రావయ్య దాన వారి
నన్ను పాలింపు మాల్యాద్రి నారసింహ!//
106.
ప్రణవ నాదంపు రూపమై ప్రభవ మొంది
విశ్వ మంతయు నిండిన వేల్పువీవె
స్థూల సూక్ష్మపు రూపంబు సొరిది వెలయ
నన్ను పాలింపు మాల్యాద్రి నారసింహ!//
107.
సన్నుతించగ నీ కీర్తి సమధికముగ
శతకమొక్కటి రచియించి శక్తికొలది
నీదు ముంగిట భక్తితో నిలిచియుంటి
నన్ను పాలింపు మాల్యాద్రి నారసింహ.//
108.
వినతి చేసితి నీ మ్రోల విబుధ వినుత!
నాదు పద్యముల్ వినినంత నగవుతోడ
పరుగు పరుగున రావయ్య!పంకజాక్ష!
నన్ను పాలింపు మాల్యాద్రి నారసింహ!//
101.
భక్త సులభుడ నీచెంత భయము లేక
వచ్చి నిల్చితి దీర్పవే వాంఛితమ్ము
కాంక్ష మీరగ నీరూపు కనగ వేడు
నన్ను పాలింపు మాల్యాద్రి నారసింహ!//
102.
బంధు వర్గము పెట్టెడు బాధలందు
మునిగి పోయితి మనమున ముసురు పట్టి
బెదిరి వగచితి దిగులున బేలనైతి
నన్ను పాలింపు మాల్యాద్రి నారసింహ!//
103.
బంధు మిత్రులు లేరయ్య భయము తోడ
నొంటరిగ నుంటి జేకొని యుద్ధరింప
నాత్మ బంధువ వైతివి యాది దేవ!
నన్ను పాలింపు మాల్యాద్రి నారసింహ!//
104.
భ్రాంతి నొందితి సంసార పాథి యందు
ముందు దారిని గానక మునిగి బోతి
నుద్ధరింపవే నన్నొక యోడ వోలె
నన్ను పాలింపు మాల్యాద్రి నారసింహ!//
105.
నీదు రూపంబు కన్నుల నిలుపు కొంటి
పలుకు చుంటిని నామంబు పట్టు బట్టి
దయను జూపగ రావయ్య దాన వారి
నన్ను పాలింపు మాల్యాద్రి నారసింహ!//
106.
ప్రణవ నాదంపు రూపమై ప్రభవ మొంది
విశ్వ మంతయు నిండిన వేల్పువీవె
స్థూల సూక్ష్మపు రూపంబు సొరిది వెలయ
నన్ను పాలింపు మాల్యాద్రి నారసింహ!//
107.
సన్నుతించగ నీ కీర్తి సమధికముగ
శతకమొక్కటి రచియించి శక్తికొలది
నీదు ముంగిట భక్తితో నిలిచియుంటి
నన్ను పాలింపు మాల్యాద్రి నారసింహ.//
108.
వినతి చేసితి నీ మ్రోల విబుధ వినుత!
నాదు పద్యముల్ వినినంత నగవుతోడ
పరుగు పరుగున రావయ్య!పంకజాక్ష!
నన్ను పాలింపు మాల్యాద్రి నారసింహ!//
addComments
కామెంట్ను పోస్ట్ చేయండి