‘ఇంద్రధనస్సు’;- వారాల ఆనంద్- 944050 1281

 వర్షం బాగా పడిందా చిన్నా
అయిదేళ్ళ మనవడిని అడిగాను
 
చాలా పడింది తాతయ్యా
ఒత్తిపలుకుతూ అన్నాడు
అన్నీ తడిసి పోయాయి
అంటూ జత చేసాడు
 
ఇప్పుడు తగ్గిందా మరి
మళ్ళీ అడిగాను
 
అవును తగ్గిపోయింది
వెలుతురొ చ్చింది ఎండ కొడుతోంది   
 
మరి నీకేదిష్టం వానా ఎండా
అడిగాన్నేను
 
‘నాకు...నాకు...
ఆకాశంలో ఏర్పడ్డ
రెయిన్ బో ఇష్టం’ అన్నాడు
 
అది ఇంద్రధనస్సు లోని
ఇంద్రజాలం మరి  
*********************