తెలుగు వెలుగు ; );- అచ్యుతుని రాజ్యశ్రీ ‌హైదరాబాద్ 8985035283

సరిగమపదని  సప్తస్వర మాలిక

తెలుగు వెలుగుల విరిసిన మల్లికా 

మందార మకరంద మొలికే

వాణి మృదు పాణి వీణపలికే

బౌళి భూపాలరాగాలలో 

తెలుగు వెలుగు కిరణాలు 

కొమ్మ కొమ్మలో కోయిలల సన్నాయి రాగాలు 

జుంటితేనె ఊటలు

తెలుగు మాట తెలుగు నోట

పలుకుపలుకులో చిలుకు 

కర్పూరపు గుబాళింపు 

పెద్ద బాలశిక్షతో  అమ్మ భాష 

అమరికగా నేర్పు అక్షరాలవిన్యాసాలు

అడుగడుగున  అచ్చతెలుగు 

ఆటలతో పాటలతో ముంగిళ్లు

 అన్నమయ్య స్వరార్చనతో 

అచ్చతెలుగు _ క్షేత్రయ్య జావళీలు అందెల రవళులు

పానుగంటి సాక్షి విజ్ఞానపు కుక్షి

వేమన ఆటవెలదులు ఆడెప్రతీనోట

నండూరి ఎంకి సిగ్గుల మొగ్గలు

గురజాడ పుత్తడి బొమ్మ పూర్ణమ్మ  కన్నీటి గాథలు 

ముత్యాల సరాలు ముంగిట రంగవల్లులు 

త్యాగరాజు రామదాసు కీర్తనలు 

తెలుగు తల్లి భుజకీర్తులు

కూనలమ్మ పదాలు కృష్ణ శాస్త్రి గీతాలు 

మల్లెపూదండలతో తెలుగు తల్లికి స్వాగత తోరణాలు 

బాస యాస ఏదైనా మనసులో భావాలు మనసుకే తెలుసు 

అది మానవ జాతికే స్వంతం 

అందుకే అమ్మ పాలభాష అమరం అజరామరం 🌷