జ్ఞాన పాలవెల్లి,;-డాపివిఎల్ సుబ్బారావు,-ప్రధానోపాధ్యాయుడు.- (విశ్రాంత)విజయనగరం, 94410 58797.

సెప్టెంబర్ 5 ,జ్ఞాన పాలవెల్లి,డా. సర్వేపల్లి రాధాకృష్ణన్ జన్మదినం.

దేశమంతా ఉపాధ్యాయ దినోత్సవంశుభాకాంక్షలు అందిస్తూ,

--------------------------------------------------------------------------------

             నేను!

అజ్ఞానాంధకార భాస్కరుడ్ని!

 నిరక్షరాస్యత నిర్మూలన,

         సంగ్రామ యోధుడ్ని! 

ఊపిరి ఉలిగా,

       మలచుకున్న శిల్పిని!

 బోధనలో ,

      నిత్యము సాధకుడ్ని!

చదువు మార్గాన అలసట,

  ఎరుగని ప్రయాణికుడ్ని!

సమాజ వికాసానికి ,

చేయూత నందిస్తున్న వాడిని!

తరగతి గది, వాణి మది,

 నా నివాసము!

 విద్యార్థులతో కలసిమెలసి, జీవించడం మధుమాసము!

నా శిష్యుల విజయాలు,   

        నెమరు వేసుకుంటా !

ఆ స్మృతులలో ,

హాయిగా బతుకుతూ ఉంటా! 

నేను పోయినా ,

నా విద్యార్థుల్లో బతికి ఉంటా! 

దేవుడు మరల జన్మనిస్తే, ఉపాధ్యాయుడ్నే అవుతా!

_________