మా సత్యనారాయణకు వందనం:- గుర్రాల లక్ష్మారెడ్డి కల్వకుర్తి.-సెల్ .9491387977.-నాగర్ కర్నూల్ జిల్లా

.మా శ్రీ శ్రీ శ్రీ సత్య నారాయణ

మీ నిత్య పూజకు వేళాయని

తొందరపడి అసలే అనుకోవద్దు

వేగిరపడి మీరు వస్తేనే ముద్దు. !

ఇలలో వెలసిన దేవ దేవుడవు

కలలో మరువని మా భానుడవు

విడువము నిన్నిక ఓ మా స్వామి

మా పూజలు అందుకోను రావేమి

అందరి దేవుడవు నీవేనయ్య

సుందర నందన నీవు రావయ్య

నీ నిద్ర నుండి ఇక లేవాలయ్య

మీ భద్రత మాకు ఇవ్వాలయ్య !

మా సత్య పథములో వస్తాము

మీ నిత్య పూజలు ఇక చేస్తాము

నీ దివ్య కథలను మేం వింటాము

నీ దివ్య రూపమును కంటాము. !

ఓ సత్య నారాయణ రావయ్య

 నిత్య పారాయణం చేస్తామయ్య

మాకు తోడు నీడై ఉండాలయ్య

మా ఊరి వాడ దేవుడవేనయ్య !

ఓ నారాయణ మా నారాయణ

హరి నారాయణ ఆదినారాయణ

జే గంట మ్రోగెను గుడిలో గణ గణ

మా సుందర నందన మా రమణ !

ఓ మురహరి శ్రీ హరి నారాయణ

మా నరహరి సిరి సిరి నారాయణ

మెరిసే విరిసే ఓ దినమణి గమనా

మా మొర నీవిక వెంటనే కనుమా.!

ఓ మా జయ సూర్యనారాయణ

మా హరి మయ ఆది నారాయణ

మా వింత గాధను ఇక వినరండి

మా సొంత బాధను ఇక కనరండి !

ఓ మా గజలక్ష్మి శ్రీ శ్రీ శ్రీ నారాయణ

మా ఈ ధనలక్ష్మి శ్రీ మన్నారాయణ

మా మేలుకోరి నీవు రారా  రమణ 

నీ కోసమే మేం చేసే ఈ జాగరణ  

మా సత్యనారాయణ నీకు వందనం

ఓ నిత్య నారాయణ నీకు అభివందనం

నీ కథలు విన్నవారికి నందనందనం

కని విని చెప్పే వారికి అభి చందనం !