తల్లిదండ్రులు పూజ్యులు:- -గద్వాల సోమన్న,-9966414580

త్యాగమయులు కన్నవారు

ధరణిలోన మిన్న వారు

తీర్చలేము వారి రుణము

అక్షరాల ఇదే నిజము

మన జన్మకు కారకులు

ఘన జీవిత సారథులు

వెలుగునిచ్చే దీపాలు

ప్రేమకు ప్రతిరూపాలు

కన్నవారిని సేవించు

ఇలవేల్పులని భావించు

వృద్ధాప్యంలో వారిది

నీ బాధ్యతని  గుర్తించు

కన్న ప్రేమ తూచలేరు

దానికేది సాటి రాదు

కనిపించే దేవుళ్ళు

పరికించి తల్లిదండ్రులు

అమ్మానాన్నలు పూజ్యులు

గౌరవానికిల అర్హులు

నిర్లక్ష్యమే చేస్తే

ఉండవోయి! దీవెనలు