ఊరుగాలి ఈల 52:- డా.టి.రాధాకృష్ణమాచార్యులు-9849305871

పండుగల సందడి ఊరు చిరునామా పల్లెపరుగు

కొత్త ఉత్కంఠ ప్రతి ఇంట ఎగిరేసే ఆనందం ఊరు

రాకపోకల యాత్రలో నేల ఆలింగనం ఊరుహేల

ఆశల తీపి బూరెల బుగ్గలు మెరిసి నోరూరె పల్లె

కోరిక కోరే గారెలు కారం గాలిబుగ్గల మిసిమిమట్టే

కొత్త నోముల జంట గిలిగిలి గుసగుస ఊరుగుండె

అమ్మ వాసనవంట తీర్చని ఆకలి తినే  పల్లె బొజ్జే 

చెలిచేతి గలగల గాజుల పాట దోచే మది ఊరే

ఆడమగ ఆత్మీయ సంగతులు మిన్నంటె ఎద పల్లె

అనురాగాల మనసు ప్రేమరుచి తిని భ్రేవనే ఊరు

భామభాషల తేలెతేమ ఊరు ఊక కాని ప్రేమవాక

పిండివంటల నింగితాకే జవ్వన చేతి పాకం ఊరే

ఆకుల భోజనం అరచేత నేతి మూతిఊట ఊరు

హుషారైన జోకుల కేకులు పేలే పల్లె బాంబులు

షిప్పుల రిలేషన్స్ ఫ్రెండ్స్ వొడిచిపట్టే ఊరే బతుకు

భావోద్వేగాల కవుల కల్పనల లయే ఊరుకవిత

పనీపాటల ఆడికూడే నాట్యాలే పల్లెనేల స్వాగతం

మీనమేషం వర్జ్య దుర్ముహూర్తం గడపల పల్లే

ఊటీ లంబసింగి కౌతాల నయాగర కాశ్మీర చలి

కాశీ ప్రయాగ బృందావని శీతశైల కన్నె వన్నె కన్ను

అపూరూప అపరంజి సంజె కెంపుల పల్లే పల్లె ఇల

=====================================

(ఇంకా ఉంది)