1). అజ్ఞానాన్ని తొలగించుకో
విజ్ఞానాన్ని ఇక పెంచుకో
ఇవి జీవితాన్ని సరిదిద్దు
వీటిని నీవిక మరవద్దు !
2). శక్తి కోసం భుజించాలి
భక్తి కోసం భజించాలి
ముక్తి కోసం పూజించాలి
రత్తి కోసం ఆనందించాలి !
3). తప్పటడుగులు వేయొద్దు
తప్పుడు త్రోవలో నడవద్దు
అత్యాశలో ఇక పడవద్దు
ఆశకు పరిధి ఉంటే ముద్దు !
4). మన మానవ బలం కన్నా
దివ్యమైన దైవ బలమే మిన్న
అని తెలుసుకోవాలిక నీవన్న
తెలియకుంటే నీ జీవితం సున్న
5). మన తల్లి తండ్రి గురువులు
మన యొక్క ప్రత్యక్ష దైవాలు
మనం సదా వీరిని పూజించాలి
మనవారు వీరని భావించాలి !
6). నీ నిస్వార్థమే పురోగతి
నీ స్వార్థమే అధోగతి
నీ ప్రయత్నమేగా ప్రగతి
అదే సదా నీ గతి సద్గతి !
7). చెడుకు స్వాగతం తప్పు
మంచికి సుస్వాగతం చెప్పు
తలకు మించి చేస్తే నీవు అప్పు
జీవితానికి తెచ్చి అది ముప్పు !
8). నీవు అందరినీ ప్రేమించు
పొరుగువారిని ఆదరించు
కలిసిమెలసి ఇక జీవించు
అంతా మనవారని భావించు !
9). ప్రతిఫలాన్ని ఆశించకు
ప్రశంసలను కాంక్షించకు
శత్రుత్వాన్నిక పెంచకు
శాశ్వతంగా తలదించకు !
10) నాది నాది అన్నది
నీ వెంట ఏది రాదు
నీ వెంట వచ్చే నీడ
నిన్ను విడిచి పోదు !
addComments
కామెంట్‌ను పోస్ట్ చేయండి