మహాత్ముల మాటలు:- -- గద్వాల సోమన్న,9966414580

కవీంద్రుల బలము కలము

రైతన్నల ఆస్తి పొలము

నైతిక విలువలు మనిషికి

ఉంటేనే ఘనము ఘనము

విలువైన బహుమతి చెలిమి

ఇల వాడబారని కలిమి

చేయకూడదోయ్! ద్రోహము

చేస్తే గనుక దారుణము

ఈర్ష్య కాల కూట విషము

కాకూడదోయ్! దాని వశము

ఇది జగమెరిగిన సత్యము

అనిశము గుర్తించుకొనుము

హానిచేయును కల్లలు

కాల్చివేసే మంటలు

క్రుంగజేయును  మనసులు

అగును పతనం బ్రతుకులు