రసగుళికలు ....!! ---డా.కె.ఎల్.వి.ప్రసాద్.

 అక్షరాలతో -
ఆడుకున్నట్టే ,
నువ్వు మనసులతో 
భలే ఆడుకుంటావు !!
----------------------------
నీ సంతోషానికి 
సహకరించే సంఘటనలు ,
ఇతరుల దుఃఖానికి 
హేతువు కాకూడదు సుమా....!!
-------------------------------------------
పొగడ్తలకు నువ్వు
మరీపొంగిపోతావు!
వెనక వెటకారపు నవ్వులు
నీకు అర్ధం కానేకావు....!!
-----------------------------------
మంచి-చెడ్డలు
వివరించడం నావిధి!
తప్పుగా అర్ధం చేసుకుంటే
ఖచ్చితంగా అది నీ ఖర్మం....!!
------------------------------------------
 పైపై మెరుగులు చూసి
మోసపోతే ఎలా?
నమ్మకాన్ని రూఢీ చేసుకోకుండా
అడుగుముందుకేయడం  తగునా!!
------------------------------------------------
స్థిరత్వంలేనిమనసుతో 
ఆలోచించటం .....
మొదలుచెడ్డబేరం !
ముందది గ్రహించడం మేలు !!
----------------------------------------------------
                   ***