ఆడపిల్లల ఆవేదన !:- గుర్రాల లక్ష్మారెడ్డి కల్వకుర్తి.-సెల్.9491387977.-నాగర్ కర్నూల్ జిల్లా.

పిల్లలం ఆడపిల్లలం

ఆడజన్మ ఎత్తిన మేం

బతికి బట్ట కట్టిన మీ

తెల్లని వన్నెల మల్లెలం !

కొందరు స్కానింగును తీయించి

ఆడపిల్ల అని తేలగానే ద్వేషించి

జన్మనిచ్చే ఆతల్లిని తెగ వాయించి

 క్షోభ పెడుతున్నారు  సతాయించి!

మా తల్లి గర్భంలో మేం  ఉండా

పసి గుడ్డని గూడా చూడకుండా

మా ప్రాణాలను ఇక తీసేస్తున్నరు

ఆ తల్లిని నిస్త్రాణం చేసేస్తున్నరు

కనిపెంచే అమ్మల్లారా నాన్నల్లారా

ప్రత్యక్ష దైవాలైన ఓ మా పెద్దల్లారా

మీచెవులారా మాగోడును వినండి

మీ కనులారా మాగాధను కనండి !

పెంచి పోషించే ఓ అమ్మ నాన్నలు 

చెప్పించండి మాకు చదువు సంద్యలు

గర్భంలో శిక్షించే బుద్ధిని వదలండి

మమ్ముల రక్షించే దిశవైపు కదలండి !