మహాత్మా జ్యోతిబా పూలే :- భైరగోని రామచంద్రము -స్కూల్ అసిస్టెంట్, తెలుగు -హైదరాబాద్,-చరవాణి :9848518597

సామాజిక తత్వవేత్త ఉద్యమకారుడు 

సంఘసేవకుడు సన్మార్గమూర్తియైన 

మహాత్మా జ్యోతిబాపూలే 

శ్రీమతి చిమునాబాయి శ్రీ గోవిందరావు 

పుణ్యదంపతులకు 

పద్దెనిమిది వందల ఇరవై ఏడు 

ఏప్రిల్ పదకొండున 

మహారాష్ట్రలోని సతారా జిల్లానందు 

మాలి కులంలో జన్మించెను 

పువ్వు పుట్టగానే పరిమళిస్తుంది అన్నట్లుగా 

చిన్నప్పటినుండి సామాజిక భావాలను వ్యక్తం చేసెను 

పండ్లు కూరగాయలు పూలు అమ్ముకునే 

కుటుంబంలో జన్మించినప్పటికీ 

సమాజంకు పరిమళంలు వెదజల్లెను 

చదువు తక్కువైన పుస్తక పఠనం ఎక్కువే 

గొప్పవారి జీవిత చరిత్రలెన్నో చదివి 

వాటినాచరించి మంచిపనులు చేసి మహానీయుడవైతివి

పదమూడేళ్ళ వయస్సులోనే 

తొమ్మిదేళ్ళ సావిత్రమ్మను 

పరిణయంబాడి 

చదువురాని సావిత్రమ్మకు చదువు నేర్పించి 

పట్టుబట్టి ప్రథమ మహిళా గురువుగా

సావిత్రమ్మను తీర్చి దిద్దెను 

ప్రపంచానికి పరిచయం చేసి 

శాశ్వత కీర్తిని సంపాదించెను 

జ్ఞానసంపద ఎవరిసోత్తు కాదని 

బ్రాహ్మణ ఆధిపత్యాన్ని విమర్శించెను 

గులాంగిరి లో బానిసత్వంను 

గూర్చి 

తులనాత్మకంగా పరిశీలించి చూపెను 

సత్య శోధక్ సమాజం స్థాపించి 

ధీనబందు వారపత్రికను ఏర్పాటు చేసి 

అందరికి ఆపద్భందవుడ వయ్యెను 

సమాజంలో ప్రతి సమస్యను 

గుర్తించి పోరాటం చేసెను 

దేశమనే దేహానికి శూద్రులు ప్రాణమనెను 

అంబేద్కర్ జ్యోతిబాపూలేను 

గురువుగా బావించెను 

జీవిత చరమాంకం వరకు 

సమస్యలపై పోరాడిన 

మహనీయుడు మహాత్మా జ్యోతిబాపూలే 

( జ్యోతిబాపూలే జయంతి ఏప్రిల్ 11 సందర్బంగా రాసిన కవిత )