త్యాగానికి చిహ్నం మేడే :- -గద్వాల సోమన్న,ఎమ్మిగనూరు,9966414580

కరిగి కరిగి కాంతినిచ్చు

క్రొవ్వొత్తులు కార్మికులు

శ్రమైక సౌందర్యానికి

వారు సజీవ సాక్షులు

శ్రమ శక్తిని నమ్ముకున్న

నిస్వార్ధ పరులు వారు

కొండంత ధైర్యమున్న

వారికెవరు సాటిలేరు

రక్తాన్ని చిందించే

త్యాగపురుషులు భువిలో

నిజంగా సేవ చేసే

వారిని తలవాలి మదిలో

రుధిరంతో తమ హక్కులు

సాధించిన ఈ రోజు

పోరాటంతో బ్రతుకులు

బాగుపడిన మేడే రోజు