"జగతికి జాగృతి":- కుదమ తిరుమలరావు-సాంఘిక శాస్త్రోపాధ్యాయులు, - కడుము,-9505665748.

 భూమిపై అద్భుతాలు రెండే రెండు - ఒకటి నీరు, రెండోది చెట్టు 
సృష్టిలో విలువైనవి రెండే రెండు - ఒకటి కాలం, రెండోది స్నేహం 
చెట్టు, స్నేహం ప్రతి ఒక్కరికీ - శ్వాస, ప్రాణం
అందుకే హరితంతో స్నేహం చేద్దాం - స్వచ్ఛతను గౌరవిద్దాం 
పచ్చదనానికైనా, పర్యావరణ పరిరక్షణకైనా - ఆవశ్యం ఈ వృక్షాలే
పరిశ్రమల కలుషితాన్ని, పలు వైపరీత్యాలను తరిమికొట్టేవి - పంటపొలాలే, మడిచేలే, తరువులే
చెట్లే ప్రత్యక్ష దైవాలంటూ -  విరివిగా మొక్కలు నాటుదాం
కాలుష్య నివారణకు వృక్షాలే 

ఆధారమంటూ - ఎలుగెత్తి చాటుదాం
ఇంధనాలతో పాటు - పర్యావరణ సమతుల్యత 
శ్రమ జీవనమందిస్తూ - అరికడుతుంది నేలకోరివేత 
సంస్కృతి సంప్రదాయాలు 

నిల్పుతూనే, వన్యమృగ రక్షణ
ప్రాణవాయువునిస్తూనే, కల్గించు జలసంరక్షణ
ప్రకృతి సౌందర్యం, సేంద్రీయ ఎరువులకు 

మూలకారణం - ఆకులలములు, పొదలు, పచ్చిక, వేర్లు, మొక్కలు 
కూడు,గూడు,గుడ్డలను సమకూర్చునట్టి - 

ఈ కమ్మదనం చల్లదనాల చెట్లు మానవాళి దైవాలు
సుగంధ ద్రవ్యాలు, ఔషదాలకు  

అండా దండా - కొండకోనలు, పూదోటలు
మనిషికి ఎపుడూ చేదోడై కల్పిస్తున్నవి - 

అలంకరణ, ఆర్ధిక ప్రయోజనాలు 
అందుకే విశ్వాన్ని సుభిక్షంగా ఉంచే - 

ఈ పర్యావరణాన్ని పరిరక్షిద్దాం
పర్వదినమునైనా, పుట్టినరోజుకైనా మొక్కలు నాటి - 

శుభకరమగు జగతి జాగృతికి అను నిత్యం పాటుపడుదాం
--------