ఆమని మా బ్రతుకున విరియాలి:- అంకాల సోమయ్య-దేవరుప్పుల-జనగాం-9640748497

పల్లవి 

నేల(న)రాలే

చిటపట చినుకులనాదం 

నాపాట...2

వాన మెరుపైమెరసి

ఉరుమైఉరిమి

పదుగురుపాడాలినాపాట2

చరణం 1

చిరుజల్లైకురిసిన 

ఈవాన సిరిసంపదనివ్వాలి 

మా పంటభూముల్లో2

చరణం 2

విధాత రాసిన రాతలన్నిచెరిగిపోవాలి

మా తలరాతలు మేమే దిద్దుకో

వాలి

అభాగ్యుల బ్రతుకుల్లో

ఆనందం నింపాలి2

చరణం 3

చేటుదెచ్చే ముంపుమేఘం

దిశనే మార్చాలి

దూసుకొచ్చే జలప్రళయాన్ని

ముందే గుర్తించాలి2

చరణం 4

నాలాగే నువ్వూకూడా

సుఖశాంతితోనుండాలి2

ఆనందపుఆమని ప్రతిబ్రతుకున విరియాలి2

చరణం 5

ఏటికేడు సెలయేరైనబాధ

ఆవిరవ్వాలి2

పన్నీరే చిరుజల్లై మన ఒంటిని

తడపాలి2