"చెలికెలా తెలపను":- బెహరా నాగభూషణరావు.

సాహితీ కళాపీఠం .

సాహితీ కెరటాలు .

============

"మౌన ప్రేమ"

పదేపదే ఆమెను తలుచుకుంటున్న నేను- 

గుర్తొచ్చి నవ్వుకుంటున్నా.

మదిలో మెదిలే రూపం -

ఉషోదయమని,

నడిచే ఆమె పాదం -స్వరాలపాదమని,

కదిలే ఆ పెదవులు- స్వాతి చినుకుల సవ్వడని,

ఎగిరే ఆ కురులు-

 బాపూ బొమ్మవని,

నడిచే ఆ నడక-

హంస నడకని,

మెచ్చే ఆ రూపం-

 కుందనపు బొమ్మని,

ఊహలతో విహరిస్తుంది  నా మనసు.

కనులు మూస్తే -కలలో అలలా వచ్చి 

హృదయ మీటను తాకుతావు

కనిపించని; ఆరూపానికి ఎన్ని అగచాట్లు!

కనిపిస్తే-ఇవ్వలేనిపుష్పాలు, 

చేరువైనా -కదలని పెదాలు.

అన్నీ మౌన భాషలే. 

నిశ్శబ్దమెందుకో రాజ్యమేలుతోంది.

వ్యక్తీకరణకు సాహసం లేకనా? 

కుల మతాలు- అడ్డొస్తాయనా?

పెద్దలు ,అంగీకరించరనా?

ఏమైనా, మబ్బులతోనైనా 

కబురంపాలి.

నా ప్రేయసికి -

 నా మౌనప్రేమ వినిపించమని.