:వందే శివం శంకరం...!!:- డా.మరుదాడు అహల్యా దేవి-బెంగళూరు

సాహితీ కవి కళా పీఠం

సాహితీ కెరటాలు

------------------------

హరహరమహాదేవ శంభో శంకర

నటరాజువై నీవు నటనమాడగ..

మెడలోనాగేంద్రులు బుసకొట్టి ఆడ

రుద్రాక్షమాలలే చిందర "

వందరాయె..

ఢమరుకముతో లోకాలు ధ్వనించి

మూడవకన్ను నిప్పులే కురవగా..

త్రిశూలమే చూసి ఆశ్చర్యపోవగా

నీ భీకరరూపానికి భీతినొందే వేళ అనుగ్రహించు శివా..!

నీలకంఠా శాంతించు, దయాకర విశ్వేశా..

ఎల్లవేళలా నీనామ స్మరణే మాకు

శరణ్యం...

నిరతము నీ అనుగ్రహముతో

కాపాడు మహేశ్వరా...

సాగర మథన సమయాన జనించిన

విషాగ్నిని కంఠమున

నిలిపావు...

మహాదేవా!కైలాసనిలయా!

నాగభూషణా!

నీకసాధ్యమన్నది ఏమున్నది

మహేశ్వరా...!

దయాసాగరా!భక్తవత్సలా!

ముక్తిమార్గము ప్రసాదించు..!

అడిగింది లేదనవు

అసాధ్యం కాదనవు

కనపడకున్నా కష్టాలు తీరుస్తావు..!

కసాయినైనా మహనీయుని చేస్తావు...

లయకారుడివైనా లక్షణంగా

రక్షిస్తావు...!

కాలకూట విషమైనా కాదనక

భక్షించే చంద్రకళాధరా....

కావగరావా జంగమదేవర...!

నింగినీ నేలనూ ఏకం చేసే

మహాప్రళయంలోనైనా నిర్బయంగా నిలిచే కారుణ్యమూర్తివి...!

భక్తవత్సలుడవనే మాటకు

ముక్తినిచ్చి నిరూపించే సదాశివా!

త్రిశూలధారీ!

తవ చరణాలే శరణం ప్రభో!!