ఎందుకని...? ఏమో...ఆ పరమాత్మకే ఎరుక..!:- కవి రత్న-సాహిత్యధీర సహస్రకవి భూషణ్ పోలయ్య కూకట్లపల్లి-అత్తాపూర్ హైదరాబాద్

అవలీలగా

సముద్రాలను ఈదగలరు 

నరులు...మహా ముదురులు

కానీ ఆ సముద్రాలను 

నీటితో నింపలేరు…

నీటిని తోడి ఖాళీ చేయలేరు…

ఒక్క నీటి బిందువును 

కూడా సృష్టించలేరు...

ఎందుకని...? ఏమో...

ఆ పరమాత్మకే ఎరుక..!

ఎంత ధనమున్ననేమి..?

ఎంత వైద్య విజ్ఞానమున్ననేమి..?

కొందరు కోరిన బిడ్డను 

కొనలేరు సృష్టించు కొనలేరు...

నవదంపతులు ఆగక 

తప్పదు నవమాసాలదాకా...

ఆపై చింతలు మరిచి 

చిరునవ్వులతో...

ఆనందంగా సంతోషంగా...

ఇష్టమున్నా లేకున్నా...

పుచ్చుకోక తప్పదు 

పుట్టిన బిడ్డ ఎవరైనా...అదే 

ఆ పరమాత్మ...వరమనుకొని

ఎందుకని...? ఏమో...

ఆ పరమాత్మకే ఎరుక..!

ఒలింపిక్ మైదానంలో జరిగే 

ప్రపంచ ప్రఖ్యాత ఆటల పోటీల

నియమాలన్నీ తెలిసిన రిఫరీలకు

చిట్టచివరి నిమిషం వరకు 

తెలియనిదొక్కటే... ఆ 

ఆటల పోటీలలో విజేతలెవరో...

ఎందుకని...? ఏమో...

ఆ పరమాత్మకే ఎరుక...!