పరశురాముడు మహేంద్ర గిరికి వెళ్ళిపోవుట 76వ సర్గ: - ఎడ్ల లక్ష్మి -సిద్దిపేట

అప్పుడు ఆ మహాముని ఆ ప్రదేశము నందు 

ఇక నీవు ఉండకూడదని ఆదేశించాడు 

అతనికి నమస్కరించి నేను వచ్చితిని

ఓ వీరరాఘవా! నా చిన్న కోరిక మన్నించు 

నీవు నా గమన శక్తిని తొలగించకయ్యా

నే పర్వతోత్తమైన మహేంద్రగిరికి వెళ్తాను 

రామా! నా పుణ్యశక్తులు పుణ్యరాసులను 

నీ శరప్రయోగముతో నశింపజేయుము 

ఇక నీవు ఏమి ఆలస్యం చేయవలదు

ఈ మహాదనస్సును ఎక్కుపెట్టినప్పుడే 

నీవు మహావిష్ణువని నే గ్రహించితిని 

రణరంగమున నీవు అసహాయశూరడవు 

నీవు అద్భుత లీలమహితుడవు

దేవతలందరూ నిన్ను దర్శించుటకు వచ్చిరి 

నీ చేతిలో నేను ఓటమిపాలగుట 

నాకేమాత్రము లజ్జాకరము గాదు 

ఓ రామా తిరుగులేని నీ బాణమును 

త్వరగా ప్రయోగించుము స్వామి 

నేను మహేంద్ర గిరికి వెళ్ళిపోయెదను 

రాముడు ఆ మహాశరమును ప్రయోగించెను

పరశురాముడు రామునికి నమస్కరించి

మహేంద్రగిరి పర్వతమునకు వెళ్ళినాడు

అష్టదిక్కులకు కమ్మిన చీకట్లుతొలగిపోగా 

దేవతలు ఋషులు రామున్ని పొగిడినారు