గిరిజనుల పిల్లలం !: : - గుర్రాల లక్ష్మారెడ్డి - సెల్.9491387977. కల్వకుర్తి నాగర్ కర్నూల్

గిరిజనుల పిల్లలం

 పురజనుల మల్లెలం

 అడవి తల్లి పోరలం

 పుడమి మల్లి వారలం !

పుట్ట తేనె జోపుతాం

గట్టు తోవ చూపుతాం

గట్టు దేవర మా దేవుడు

మా బొందిలోని జీవుడు !

మన్యం అడవుల్లోపుట్టినం

దైన్యాన్ని  విడిచి పెట్టినం 

ధైర్యాన్నిక కూడ గట్టినం

అడవినంతా మేం చుట్టినం !

కొండ కోనల్లో తిరుగుతాం

కొండ దేవర పూజ చేస్తాం

వనమూలికలు సేకరిస్తాం

మేం మీకు ఇక అందిస్తాం !

 వనదేవత మా అందరి తల్లి

  ప్రతినిత్యం  మేమంతా వెళ్లి

  పూజా పునస్కారం చేస్తాం

  మనసారా మేం నమస్కరిస్తాం 

  తిరునాళ్ళను కూడా జరిపిస్తాం

  పురజనులను వేగా మురిపిస్తాం

 భక్తుల కోర్కెలకు మేం స్పందిస్తాం

తీర్థప్రసాదాలను వారికి అందిస్తాం