నా కన్నయ్య !: - గుర్రాల లక్ష్మారెడ్డి. సెల్.9491387977. కల్వకుర్తి నాగర్ కర్నూల్ జిల్లా తెలంగాణ.

నేను మనసారా పెంచుకున్న

నా చిన్నారివి నీవేరా ఓకన్నా

నా కంటి పాపలాగా నేను నిన్ను 

రేయి పగలు కాపలా కాస్తున్నా !

అమ్మలా నిన్ను నేను లాలిస్తా

కమ్మని తాయిలం నే తినిపిస్తా 

బొమ్మలు ఎన్నో నీకు కొనిపిస్తా

బొమ్మల కొలువుతో మురిపిస్తా !

అమ్మ లాగా నే జో కొడుతా

నాన్న లాగా నే జోడి కడతా

చల్ చల్ గుర్రం పై ఎక్కిస్తా

చల్ మోహనరంగా అనిపిస్తా !

నేను దాగుడుమూతలు ఆడిస్తా

నీతోనే దండాకోర్ అని అనిపిస్తా

ఎక్కడి దొంగలు అక్కడే గప్ చుప్

అని వారిని మన ఇంట్లో దాచేస్తా !

కనిపెట్టాలని నీవు ఇక చూస్తావు

ఇంట్లోని ప్రతి మూల వెతికేస్తావు

దొరికితే వాడవుతాడు ఇక దొంగ

దొరకని వాడవుతాడులే ఓ దొర !