మా ఊరి చెరువు: - మాణిక్యాలరావు పంచదార్ల

 పల్లవి:
 
అలరారును మా ఊరి చెరువు
అవనిని చేరిన అమృత దరువు
గట్టున నిలిచిన వేప చెట్లు
చెరువుకు అందం పచ్చని పట్లు
 
                             ||అలరారును||
 
 
చరణం 1:
 
తళతళలాడే నీటి అలలు
గబగబ ఈదే చేప పిల్లలు
తామర పూల నవ్వుల తోట
తెల్లని కొంగల రెక్కల ఆట
 
                             ||అలరారును||
 
చరణం 2:
 
సందె వేళలో పశువుల మంద
చెరువు దరిన ఆ నీడల చంద
ఈత కొట్టే పిల్లల కేక
ఊరి వెలుగు ఈ నీటి రేఖ
 
                             ||అలరారును||
                               
 
                                చరణం 3:
 
అందరి దాహం తీర్చే తల్లి
సిరిని పంచే కల్పవల్లి
అమ్మగ దీనిని సాకుకుందాం
ఊరిని చల్లగ చూసుకుందాం
                               
                                   ||అలరారును||