అయోధ్య కాండం 18వ సర్గ: - ఎడ్ల లక్ష్మి- సిద్ధిపేట

తల్లీ అభిమానముతో గాని కోపంతో గాని 

నా తండ్రిని ఏమైనా మాటలంటివా 

ఆయనకనుకూలముగా యుండుటయే

ప్రతి ఒక్కరము ఉండదగిన కర్తవ్యము 

ఓ! రామా! మీ తండ్రికి ఏ కోపము లేదు 

ఆయనకు శారీరకమైన, మానసికమైన 

బాధ లేదు అతనికేదో కోరిక యున్నది .

అందుకని నీవేమందువోనని భయము 

ఆయనకు నీవెంతో ప్రియమైన వాడవు కదా! 

అప్రియవచనములు నీకు తెలుపుటకు 

మీ కన్నతండ్రికి నోరాడుటలేదు 

ఆయన నాకు వరములిచ్చి యున్నాడు

ఆ వరములు నీ వల్లనే సాధ్యమవును 

రామ!ఇచ్చట సత్యపాలనే ధర్మం కదా!

ఆ సత్య ధర్మమును ఉల్లంఘించుటకై 

నాపై రుస రుసలాడుచున్నాడు .

రాజు నాకిచ్చిన మాట నీ వలన తీరును

నీవు ఆది పాటించుటకు సిద్ధమైనచో 

నేను వరముల గూర్చి నీతో తెలిపెదను 

అతని నోట నీకు తెలుపగ లేడు రామా!