58వ సర్గ : - ఎడ్ల లక్ష్మి -సిద్దిపేట

సీతారామ లక్ష్మణుల గూర్చి దశరథుడు సుమంత్రుని అడుగుట 

మూర్చ నుండి తేరుకున్న దశరథుడు 

ఓ సుమంత్రా! ధర్మాత్ముడైన శ్రీరాముడు 

లాలనతో, ముద్దు మురిపాలతో 

సుఖములలో పెరిగిన వాడు అతడు 

దుఃఖమునే తెలియని రఘువరుడు 

ఏ చెట్టును ఆశ్రయించి యున్నాడు?

కష్టములను ఎట్లా ఓర్చుకొనుచున్నాడు?

నా రాముడు! ఏమి తిని జీవిస్తున్నాడు?

ఓ సుమంత్రా! నా పుత్రుడు శ్రీరాముడు 

దేనిపై ఆసీనుడై ఉన్నాడు? 

ఎట్లు శయనించుచున్నాడు ? 

అతడు భుజించు ఆహారమేమిటి? 

ఈ విషయములను వివరింపుము!

స్వర్గము నుండి బ్రష్టుడైన  యయాతి 

ఇంద్రుని అనుగ్రహముతో దుఃఖవిముక్తి పొందెను 

శ్రీరామునికథాశ్రవణముతో శోకవిముక్తుడనయ్యెద

సుమంత్రుడు మహారాజుకు ప్రణమిల్లి 

రాముడు చేతులుజోడించి ఇలా అన్నాడు

ఓ సుమంత్రా! మా తండ్రి ధర్మాత్ముడు 

అతనికి నా సాష్టాంగ నమస్కారములు 

తల్లి కౌసల్యాదేవికి ప్రణామములు 

మేమందరము క్షేమము అని తెలుపుము 

అమ్మా! మహారాజును  దైవముగా భావింపుము 

కైకేయిని కూడా గౌరవింపుము.