సరిలేరు నీకెవ్వరు.: - డా పివిఎల్ సుబ్బారావు.-విజయనగరం.

భారత్ ఆధార్ , కిసాన్!

మేరా భారత్ మహాన్ !

మనం ప్రజలం, ఇన్సాన్ !

రైతన్న, నాదాన్, ఈమాన్!

మనల్ని సృష్టిస్తాడు, ఆ విధాత!

 పోషించే అన్నదాత, ప్రాణదాత! 

స్వధర్మో శ్రేయావః- భగవద్గీత !

జన శ్రేయస్సు, కోరే దేవదూత!

హలధారి,వ్యవసాయసూత్రధారి!

పొల బృందావన,ఆనంద విహారి!

పనిలో, దైవాన్ని చూసే పూజారి!

మనకోసం,బతికే నిత్యసదాచారి!

దున్నే పొలమే, శివలింగం !

స్వేదధారల, నిత్యాభిషేకం !

పండే పంట, దైవ నైవేద్యం !

ప్రసాదం, సర్వజన వితరణం!

మానవ కుటుంబ, పోషకుడు!     

 ఆకలిచీకట్లు, చీల్చే ఆదిత్యుడు! 

 అమ్మ పెట్టే, అన్నానికి ఆద్యుడు ! 

ఇల శ్రేష్టుల, లెక్కిస్తే ప్రధముడు!

__________