జపాన్లో జరిగిన ఒక నిజమైన సంఘటన
కొత్తగా ఆలోచించే శక్తిని అస్సలు ఉపయోగించకపోతే ఎలాంటి పరిణామాలు ఎదురవుతాయో ఈ కథ ద్వారా తెలుసుకుందాం.
ఈ సంఘటన జపాన్లోని ఒక అతిపెద్ద, ప్రపంచ ప్రఖ్యాతి గాంచిన సౌందర్య సాధనాల (కాస్మొటిక్స్) తయారీ సంస్థలో జరిగింది. మిగిలిన కంపెనీలన్నిటికీ మార్గదర్శిగా ఉన్న ఈ కంపెనీపై ఒక వింత ఫిర్యాదు వచ్చింది.
ఆ కంపెనీ కస్టమర్ ఒకరు ఒక కొత్త సబ్బు పెట్టెను కొనుగోలు చేశారు. ఇంటికి వెళ్లి చూస్తే, ఆ పెట్టె లోపల సబ్బు ఖాళీ పెట్టె మాత్రమే ప్యాక్ చేసి ఉంది. ఆయన అధికారులకు ఫిర్యాదు చేశారు. ఈ వార్త కంపెనీ అంత దావానలంలా వ్యాపించింది. కంపెనీ యజమాని పై అధికారులందరికీ ఈ ఫిర్యాదు అందింది. ఇకపై ఎప్పుడూ ఇలాంటి పొరపాటు జరగకూడదని అందరూ చాలా తీవ్రంగా చర్యలు తీసుకుంటున్నారు. ఎందుకంటే, ఈ ఒక్క సంఘటన ఆ కంపెనీకి ఎన్నో ఏళ్లుగా ఉన్న ప్రతిష్టను దెబ్బతీసేలా ఉంది.
ఈ తప్పు ఎక్కడ జరుగుతోందోనని చూడగా.. చివరగా సబ్బులను పెట్టెల్లో ప్యాక్ చేసే విభాగంలో (ప్యాకేజింగ్ విభాగం) జరుగుతోందని కనుగొన్నారు. మెషీన్లో ఎక్కడో సాంకేతిక లోపం వల్ల, వరుసగా పెట్టెల్లోకి వెళ్లాల్సిన సబ్బు వెళ్లకుండా, కేవలం ఖాళీ పెట్టె మాత్రమే ముందుకు సాగిపోతోందని గ్రహించారు. యాజమాన్యం ఈ సమస్యను ఒక సవాలుగా తీసుకుని, వెంటనే సరిచేయాలని ఆదేశించింది.
దీన్ని సరిచేయడానికి ఆ కంపెనీ ఇంజనీర్లు రాత్రి పగలు తేడా లేకుండా తీవ్ర మానసిక ఒత్తిడితో పనిచేశారు. చివరికి వారు ఒక ఖరీదైన, అత్యాధునిక 'ఎక్స్-రే మెషీన్ను' (ఎక్స్-రే యంత్రం) అక్కడ ఏర్పాటు చేశారు. ఆ నివేదన సబ్బు లేకుండా ఒక్క పెట్టె కూడా ముందుకు వెళ్లకుండా చూసేందుకు, రెండు గ్రూపుల కార్మికులు 24 గంటలపాటు నిరంతరం పర్యవేక్షణలో ఉంచారు. ఇంజనీర్ల రాత్రింబవళ్ల శ్రమ, కార్మికుల 24 గంటల నిరంతర నిఘా వల్ల ఆ తప్పును శాశ్వతంగా సరిదిద్దారు. కానీ, ఈ తప్పును సరిచేయడానికి ఇంజనీర్లు, కార్మికులు విపరీతమైన ఒత్తిడిని ఎదుర్కొన్నారు. ఈ ప్రక్రియలో భారీగా డబ్బు, మానవ శ్రమ కేవలం ఆ పెట్టెలను నియంత్రించడానికే నిరంతరం ఖర్చవుతూ వచ్చింది.
మరో చిన్న కంపెనీ ఆలోచన :
ఇదే సమయంలో జపాన్లోని మరొక చిన్న కంపెనీలో కూడా సరిగ్గా ఇలాంటి తప్పే జరిగింది. కానీ అక్కడ ఉన్న నైపుణ్యం, బుద్ధికుశలత, కొత్తగా ఆలోచించే శక్తి గల ఒక సాంకేతిక నిపుణుడు (టెక్నీషియన్) ఈ తప్పును సరిచేయడానికి పెద్దగా కంగారు పడలేదు. ఎలాంటి మానసిక ఒత్తిడి లేకుండా, ఎటువంటి ఖరీదైన ఎక్స్-రే మెషీన్లు వాడకుండా, చాలా సులువైన మార్గంలో దీన్ని శాశ్వతంగా పరిష్కరించాడు.
ఆయన ఏం చేశాడంటే.. సబ్బు పెట్టెలు ప్యాక్ అయి బయటకు వచ్చే చోట ఒక పెద్ద 'పవర్ ఫ్యాన్ను' (హై పవర్ ఎలక్ట్రిక్ ఫ్యాన్) అమర్చాడు. ఆ ఫ్యాన్ గాలిని సబ్బు పెట్టెలు వచ్చే వైపునకు తిప్పాడు. గాలి ఒత్తిడి కారణంగా, లోపల సబ్బు లేని ఖాళీ పెట్టెలు తేలికగా ఉండి గాలికి ఎగిరిపోయాయి. సబ్బు ఉన్న పెట్టెలు బరువుగా ఉండటం వల్ల లైన్లో అలాగే ముందుకు సాగి అమ్మకానికి సిద్ధమయ్యాయి. ఎలాంటి అదనపు ఖర్చు లేకుండా, కార్మికుల శ్రమ వృథా కాకుండా, కేవలం ఒక్క వ్యక్తి తన తెలివితేటలతో ఈ సమస్యను అత్యంత విజయవంతంగా, శాశ్వతంగా పరిష్కరించాడు.
ముగింపు (గమనిక): మనం చేసే ఏ పనిపైనైనా మన మనస్సు పూర్తిగా లగ్నమై ఉంటే, ఆ ఏకాగ్రత చివరి వరకు ఎటువైపు మళ్లకుండా ఉంటే, చివరికి మనం సాధించాల్సిన విజయంపైనే మనసు నిలిచి ఉంటే.. అలా చేసే ప్రతి పని మానవ ఆలోచనల నియంత్రణలోకి వస్తుంది. మనం అనుకున్నట్లుగానే ఆ పని పరిపూర్ణమౌతుంది. విజయం తప్పక లభిస్తుంది.
addComments
కామెంట్ను పోస్ట్ చేయండి