నేతన్నలం : - బిల్ల అలివేణి. -నిజామాబాద్ - 8500060978

     

     

 నేతన్నలం మేము!  జాతికి గర్వకారణం! 

      దూదిని వడికి దారం తీసి 

      బట్టలు నేసె బహుముఖ ప్రజ్ఞాశాలురం;   

      అతివల మనసును దోచే తీరున 

      అగ్గి పెట్టెలో పట్టే చీరను 

      నేసిన   ఘనకుల వారసులం; 

    

      వేడుక కైనా వాడుక కైనా 

      సుతిమెత్తగ ఒంటిని హత్తుకుపొయే 

      పూల తీగలై అల్లుకుపోయే 

       చేనేత   బట్టకు చేవ్రాలులం;

       సౌఖ్యము నిచ్చి  చౌకగ దొరికి 

        పేదల పాలిట అంగవస్త్రమై 

       కాయము దాచే కవచములై 

       ముతక బట్టలే   మురిపించినవి 

       సాదా సీదా ఖద్దరులై; 

      ధగధగ మెరిసే దండి కుడుపులు 

      పసిడి కలిసిన పట్టు చీరలు;

      దర్జా పెంచి హుందా నిచ్చే ధోవతులు    

      కండువ లాల్చీ  పైజామాలు 

      నిండుగ వెలిగే  మానవ మూర్తికి 

      నిత్య సంబరాలు...ఈ అంబరాలు; 

    

      ఒడలను దాచి  ఒద్దిక నేర్చి              

      విలువలు పెంచే 

      వలువల తయారీదారులం; 

      వస్త్రము వదలక 

      హస్తము నమ్మిన నేతన్నలం;. 

       ====================== 

చేనేత దినోత్సవ శుభాకాంక్షలతో 💐💐💐💐💐