నిప్పు కణిక - మణి కర్ణిక: వేముల ప్రేమలత--హైదరాబాద్
 పవిత్ర కాశీ పట్టణాన, విక్రమ నామ సంవత్సరం  జన్మించిందొక నిప్పు కణిక .. మణి కర్ణిక
పరతంత్ర పాలన నుంచి స్వేచ్చా స్వాతంత్ర్యాల కోసం కలలు గన్న   చైతన్యం మూర్తీభవించిన  ధీర వనిత
ఆంగ్లేయుల సింహాసనాన్ని గడ గడ లాడించిన
పరాక్రమం, దేశభక్తి కలబోసిన రూపం
రవి అస్తమించని బ్రిటిష్ సామ్రాజ్యమని
విర్రవీగే ఆంగ్లేయులతో జరిగిన  మహా సంగ్రామంలో   
రెండు చేతుల్లో కత్తులతో లక్ష్మీ బాయి చూపించిన తెగువ, సాహసం నేటి తరాలకు స్ఫూర్తి దాయకం
" నేను నా ఝాన్సీ ని ఒదులుకోను " అని నాడు పదహారేళ్ళ బాలిక చెప్పిన మాటలు  నేడు చరిత్ర పుటల్లో నిలిచాయి
నేటికీ కోట్లాది భారతీయుల హృదయాల్లో  ప్రేమ జ్యోతులను ప్రసరింపజేసిన  ధీర వనిత
ఝాన్సీ లక్ష్మీబాయి.