పాపల్లారా:-- డా.గౌరవరాజు సతీష్ కుమార్.

 చిట్టీ చిలిపీ పాపల్లారా

అల్లరి నేర్చిన తీగల్లారా

కాలం మరిచీ హాయిగ తిరిగే

పాపల్లారా రారండీ ఇటు రారండీ !! చిట్టీ!!

ఆటా పాటా మాటా కలిసిన చదువుంది

మన బడిలోన, మన గురువుల ఒడిలోన

చదువుల గుడి, నడవడి చక్కగ నేర్పే ఒడి !! చిట్టీ!!

ఎలుకా సింహం కాకీ పాము

తాబేలు మరి కుందేలు

అడవిజంతువుల కథలున్నాయి !! చిట్టీ!!

నీరూ నిప్పూగాలీ మట్టీ

రైలు బస్సూ ఓడ విమానం

అన్ని వస్తువుల కథలున్నాయి !! చిట్టీ!!

చిన్ని క్రిష్ణుడూ చిట్టి రాముడూ

వెంకయ్యా మన చందమామ

దేవుళ్ళందరి కథలున్నాయి !! చిట్టీ!!

ప్రహ్లాదుడు ధృవుడు మార్కండేయుడు

నచికేతుడు మరి శిరియాళుడు

బాలభక్తుల కథలున్నాయి !! చిట్టీ!!

శాంతీ సహనం సత్యాహింసలు నీతినిజాయితీలు

దానం జ్ఞానం ధర్మం మోక్షం సర్వమానవ సౌభ్రాతృత్వం

మంచిని తెలిపే కథలున్నాయి !! చిట్టీ!!

: