బాల గేయం : --పూసాల సత్యనారాయణ--హైదరాబాద్

 పిల్లలం   పిల్లలం   చదువులోన    పిడుగులం .

పువ్వులం  పువ్వులం  పరిమళించు  నవ్వులం.

   మా బడి అంటే మా కిష్టం .

   మా గుడి అంటే మరీ ఇష్టం .

పిల్లలం   పిల్లలం    చదువులోన    పిడుగులం .

పువ్వులం  పువ్వులం  పరిమళించు నవ్వులం .

      అలసట  అసలే  తెలియదు .

      ఆటలంటే  ఆకలే  తెలియదు .

చినుకు లోన  చిందులేస్తాం .

మెరుపు లోన మెరిసి పోతాం .

ఇంద్రధనస్సు రంగులు చూస్తాం .

నీలి మబ్బుల పరుగులు చూస్తాం .

సీతా  కోక   చిలుకలం .

మొలకెత్తే   మొలకలం .

 పిల్లలం  పిల్లలం చదువులోన పిడుగులం.

పువ్వులం   పువ్వులం  పరిమళించు నవ్వులం.