నేను వ్రాసిన కథపై లఘు చిత్రం : శ్రీ సత్య గౌతమి

 

నా కథ - సంక్రాంతి విడుదల : ఒక నిమిషం నిడివి 

చిన్న చిన్న భాగాలుగా చేసుకుంటే ఎంత పెద్ద పనైనా ఇట్టే పూర్తయిపోతుంది.   

ఇదీ కథ 

***********

టెంత్ చదువుతున్నగౌతం గాడికి రేపట్నుండి ప్రిపరేషన్ హాలీడేస్.

.

తల్లీ, కొడుకులు వంటింట్లో కూర్చున్నారు, తల్లి తనముందు నేల మీద కొండలాగ బియ్యం పోసుకొని...వీడు చిన్న కొండలాగ  టెక్స్టు బుక్కులు, నోట్సులు ముందేసుకొని.

 .

గౌతం వాటికేసి చాలా విచారంగా చూస్తున్నాడు. తల్లి గమనించి, చిరునవ్వుతో ... 

 .

“ఆడుకోడానికి మనసవుతుంటే కాసేపు ఆడుకొని రా" అన్నది.

.

ఉహు... (గౌతం అడ్డం గా తల ఊపాడు)

 .

ఆకలేస్తుందా?

.

ఉహు... 

 .

ఒక్కొక్క పుస్తకంలోని పేజీలు ఈ చివరనుండి ఆ చివరకు త్రిప్పుతూ నిరాశ పడుతున్నాడు. వాడి ముఖంలో "టెన్షన్".

 .

తల్లి గమనించింది. పక్కనే వాడ్రాసిన ఎగ్జాం ప్రిపరేషన్ పేపర్లన్నీ చూసింది. వాటిపై టీచర్లు ఇంప్రూవుమెంటని రాశారు.

 .

తల్లికి అర్ధమయ్యింది.

 .

అటు కూర్చున్న వాడిని ఇటు తిప్పుకొని చూపిస్తోంది. పెద్ద బియ్యం కొండ నుండి చిన్న చిన్న భాగాలు చేసింది. ఒక్కొక్క భాగం నుండి రెండు మూడు రాళ్ళేరి బియ్యాన్ని డబ్బాకెత్తేసింది. కొన్ని భాగాల్లో అయితే రాళ్ళే లేవు, 

 .

నిముషాలలో కొండలాంటి బియ్యం కుప్ప కరిగిపోయి డబ్బా నిండిపోయింది.

.

డబ్బా లోపలికి తల పెట్టి, అంత బియ్యం చూసి గౌతం గాడి కళ్ళు మెరిశాయి!

.

వాడికి వెయ్యేనుగుల బలం వచ్చింది. టెక్స్టు పుస్తకంలో నచ్చినచోటల్లా బుక్ మార్క్సు పెట్టుకున్నాడు.

.

ఒక్కొక్క భాగంలో తక్కువ పేజీలు చూసుకొంటూ ఒక్కొక్క పేజీ శ్రద్ధగా చదివేస్తూ పేజీలు తగ్గించేసుకొంటున్నాడు. చిన్న చిన్న భాగాలు చేసుకుంటే ఎంత పెద్ద పనైనా అయిపోతుందని తెలుసుకున్నాడు. 

.

(సమాప్తం)