తపమునకే పొంగిపోవు-దైవము నీవే!:-కిలపర్తి దాలినాయుడు

ఆ.వె.-1

మూడుకన్నులున్న -మురిపంపు మాస్వామి

వేడుకొందు చరిత-పాడుకొందు!

కీడుచేయువారి-క్రీడలనడచుము

వేడి కన్ను దెరచి-వ్రేటు వేసి!

కం.-2

శూలివి పాములు మెడలో

మాలగ నిరతముధరించు-మంజుల మూర్తీ!

సాలీడు,పాము,కరులను

లాలించియుమోక్షమిడిన-లాలితమూర్తీ!

కం.-3

గంగాధర!మాభూముల

వంగడములు వానలేక-పండవు మాకున్

భంగముకలుగకభంగ,త

రంగములువిడిచి శుభంక-రా కావుమయా!

తే.గీ-4

నీలకంధర! ప్లాస్టిక్కు-నేడుపెరిగి

విషము తోనిండెనీభూమి-విషమ నేత్ర

కాలకూటము చాలదు-గాలిచెడెను

దేవుడవునీవు రక్షింప-జీవులకును!

కం.-5

త్రిపురాంతక!మదనాంతక!!

విపులనుకాపాడు దుష్ట-వేదనలణచన్

కృపజూపు దేవుడందురు

తపమునకే పొంగిపోవు-దైవము నీవే!

*మహాశివుడు మిమ్మునెళ్ళవేళలా *

*చల్లగా*జూచుగాకా!

*శివరాత్రి శుభాకాంక్షలతో*