దేవతలారా! దీవించండి!--దేవుల్లారా !! రక్షించండి !! ;---పోలయ్య కవి కూకట్లపల్లి--అత్తాపూర్ హైదరాబాద్...9110784502
ఏడుకొండలవాడా ! ఓ వెంకటేశ్వరా !
మీ భక్తులమైన మేము 
మిమ్మును కోరేదొక్కటే...
ఏడుకొండలు ఎక్కలేక...
ఏంచేయాలో దిక్కుతోచక...
మిమ్మల్ని దర్శించుకునే దారిలేక...
129 సంవత్సరాల అనంతరం
మీ గుడికి తాళాలేశానని తెగ
విర్రవీగుతూ మమ్మును వెక్కిరిస్తూ 
గాఢాంధకారంలో ఓ గబ్బిలంలా 
ఆ ఏడుకొండల్లో...కంటికి కనిపించక 
నక్కినక్కితిరిగే ఈ కరోనా రక్కసికి...
గుండుచేసి కొండదేవతకు బలిచ్చేశక్తిని...
మాకు ప్రసాదించండి ఓ పరమేశ్వరా!

కోరిన కోర్కెలుతీర్చే ఓ కోదండ రామా !
మీ భక్తులమైన మేము  
మిమ్మును కోరేదొక్కటే...
నాడు రామబాణమెక్కుపెట్టి 
వాలిని వధించినట్లు
రావణాసురుని పదితలలు నరికినట్లు
మాయలేడిలా...కంటికి కనిపించక 
నక్కినక్కితిరిగే ఈ కరోనా రక్కసిని
తక్షణమే వేటాడి తలనరికి 
అయోధ్యలో కోటగుమ్మానికి
వ్రేలాడదీసే శక్తిని...
మాకు ప్రసాదించండి ఓ పరంధామా!

దుష్టశిక్షణ శిష్టరక్షణ చేసే ఓ శ్రీకృష్ణా !
మీ భక్తులమైన మేము 
మిమ్మును కోరేదొక్కటే...
కురుక్షేత్రంలో మానసికంగా కృంగిపోయి
అస్త్రసన్యాసం చేసిన అర్జునుడికి 
గీతను బోధించి మీ సుదర్శనచక్రంతో ఆ 
శిశుపాలుని శిరస్సును ఛేదించినట్లు...
కంటికి కనిపించక 
నక్కినక్కితిరిగే ఈ కరోనా రక్కసి
శిరమును చేధించే చిత్రవధచేసే 
అనంతశక్తిని...
మాకు ప్రసాదించండి ఓ క్రిష్ణపరమాత్మా!

ఓ యూదులరాజా ! ఓ యేసురక్షకా ! 
మీ భక్తులమైన మేము 
మిమ్మును కోరేదొక్కటే...
ఎందరో కుంటి, గుడ్డి,చెవిటి,
మూగ,మూర్చ,కుష్టు, 
పక్షవాత రోగులకు స్వస్థత చేకూర్చి
పీడించే దెయ్యాలను తరిమికొట్టినట్లుగా
కంటికి కనిపించక 
నక్కినక్కితిరిగే ఈ కరోనా రక్కసిని...
కలువరిగిరి సాక్షిగా శిలువవేసే సమాధిచేసే అతీంద్రియశక్తిని...
మాకు ప్రసాదించండి ఓ పరలోకపు తండ్రీ!

అందరిని చల్లగా చూసే ఓ అల్లా! 
మీ భక్తులమైన మేము  
మిమ్మును కోరేదొక్కటే...
తాళలిబాన్ ఉన్మాదిలా... 
ఐయస్ఐ ఉగ్రవాదిలా...
ఉగ్రరూపందాల్చి 
అగ్రరాజ్యాలనే అల్లకల్లోలం చేస్తున్న
విశ్వంపై విరుచుకుపడి
విలయతాండవం చేస్తున్న...
కంటికి కనిపించక 
నక్కినక్కితిరిగే ఈ కరోనా రక్కసిని...
రాళ్ళతో కొట్టి మక్కాసాక్షిగా మట్టుపెట్టే
మాంత్రికశక్తిని...
మాకు ప్రసాదించండి ఓ పరమాత్మా!

ఓ ప్రత్యక్ష దైవమా! ఓ ప్రసన్నాంజనేయా !
మీ భక్తులమైన మేము 
మిమ్మును కోరేదొక్కటే...
మీరు నాడు లంకను దహనం చేసి
ఆ సీతమ్మ తల్లిని రక్షించినట్లు‌
కంటికి కనిపించక 
నక్కినక్కితిరిగే ఈ కరోనా రక్కసిని...
కాల్చి బూడిదచేసే కాశిలో అస్థికలు 
కలిపే అఖండ శక్తిని...
మాకు ప్రసాదించండి ఓ వాయునందనా!

విఘ్నాలు తొలగించే ఓ విఘ్నేశ్వరా!
మీ భక్తులమైన మేము 
‌మిమ్మును కోరేదొక్కటే...ఈ 
గండం నుంచి అందరిని గట్టెక్కించమని
కంటికి కనిపించక 
నక్కినక్కితిరిగే ఈ కరోనా రక్కసిని...
అధఃపాతాళానికి అణగద్రొక్కే 
అంతంచేసే శక్తిని...
మాకు ప్రసాదించండి ఓ సిద్ది వినాయకా !