వదన వనమున నవ్వు
గుబాళించే పువ్వు
ప్రాణవాయువు రువ్వు
ఓ వెన్నెలమ్మ
మనిషి ఆయువు పెంచు
ప్రాణ వాయువు పంచు
నవ్వు వరమని యెంచు
ఓ వెన్నెలమ్మ
నవ్వునొసగును చెలిమి
అదే మనిషికి బలిమి
అమూల్యమైన కలిమి
ఓ వెన్నెలమ్మ
మందహాసము వెలుగు
మేలులేన్నో కలుగు
నవ్వు రక్షణ గొడుగు
ఓ వెన్నెలమ్మ
నవ్వు ఉండని ముఖము
విరిగిపోయిన నఖము
లేదు అందిన సుఖము
ఓ వెన్నెలమ్మ
ఖర్చు లేనిది నవ్వు
ఖరీదైనది నవ్వు
రోగములెల్ల దవ్వు
ఓ వెన్నెలమ్మ
addComments
కామెంట్ను పోస్ట్ చేయండి