గురువులు-సరళ గున్నాల

కం*గురువన నజ్ఞానములను..

గురితో తొలగింపజేయు గురుతరముననే

గురువన విజ్ఞాన నిధులు

గురిపించెడి దివ్యమూర్తి గొలిచిన నెపుడున్

కం*అక్షరలక్షలనిచ్చి సు

శిక్షితులనుజేయనెంచు శ్రేయముగూర్పన్

దక్షతగలిగిననొజ్జలు

రక్షింపగశిష్యగణము రాజిల్లునిలన్

కం*అండగ విద్యలనందున

అండగతానుండిబుద్ధి నందించుటలో

అండయెసంతసమొందగ

దండింపగమనసురాని ధన్యుడుగురువే

🌹సర్వలఘు కందం🌹

కం*గురువుగ విలువలు నిడుచును

తరువుగ నినుగని బరువని దలపడునెపుడున్

మరిమరి చదువుల విధమును

సరియగు పథమున నడుపెడు సదయుడుగురువే

కం*పలుకులు మధురపు గుళికలు

తలపునసద్బుద్ధిగలుగు, తరగనియశమున్

తెలుపును జీవనపథమును

తలపించును దైవమటుల ధరణినగురువే

కం*తప్పులనాడిననొప్పక

చెప్పునుయాతప్పులోని ఛీత్కారములన్

ముప్పులజేరగనీయడు

తప్పింపగజూచు భావిదాతయుగురువే